JUSTICE FOR ROSELLE | Sinampahan na ng task group ng kasong robbery with homicide ang suspek sa pagkamatay ng 17 anyos na dalagitang si Roselle Bandojo.
Lumabas sa imbestigasyon ayon sa NBI na mag-isang ginawa ng suspek ang krimen na kinilalang si Lorenzo Purisima, 22 anyos, na dating tambay sa pinangyarihan at umiekstra bilang construction worker. Nakatira rin ang suspek malapit sa bahay ng biktima.
Hindi naman nakita sa medikal na eksaminasyon kung ginahasa ang biktima dahil nasa state of decomposition na ang katawan ni Roselle nang matagpuan sa bakanteng lote sa Barangay Liboton, Naga City limang araw mula nang mawala noong Hulyo 22.
Positibo ang task group na makukuha ng pamilya Bandojo ang hustisya para kay Roselle.
