DALAWA, PATAY; ISA, SUGATAN SA PAMAMARIL SA JOSE PANGANIBAN, CAMARINES NORTE
Dead on the spot ang dalawang lalaki habang sugatan naman ang sang babae sa nangyaring pamamaril sa isang Resto Bar sa Barangay Bagongbayan, Jose Panganiban Camarines Norte bandang alas 12:00 ng hatinggabi nitong Pebrero 11, 2024.
Sa ulat, nag-iinuman ang mga biktimang sina Rogelio Abila, nasa tamang edad, may kinakasama at residente ng Purok 1 Brgy. Bagong Silang, Labo, Camarines Norte; Michael Dwight Dequillo, 31-anyos at residente ng San Pedro, Laguna at Diane Echane, 31-anyos, isang sales lady at residente ng Purok Salvacion, Barangay Matoogtoog, Mercedes, Camarines Norte sa nasabing resto bar nang may isang suspek na dumating at pinagbabaril ang mga biktima.
Dead on the spot sina Avila at Dequillo matapos magtamo ng tama ng bala ng baril sa iba't ibang bahagi ng katawan habang sugatan naman si Echane na agad namang isinugod sa ospital.
Patuloy ngayon ang hot pursuit operation ng Jose Panganiban MPS sa insidente upang matukoy ang suspek at motibo sa krimen.
📷: CNPPO
