Dalawang bagyo at dalawang Low Pressure Area sa loob at labas ng PAR ang patuloy na ngayong binabantayan.
Napanatili ng bagyong #MaymayPH ang lakas nito habang mabagal pa ring kumikilos pasubsob sa kalupaan ng #CentralLuzon. Inaasahang hihina na ito bilang isang LPA sa susunod na 12-24 oras, ngunit patuloy itong magpapaulan sa #NorthernLuzon lalo na sa #CagayanValley.
Nagbabadya namang pumasok ng PAR ang isa pang bagyo o Tropical Depression malapit sa #Guam bukas at tatawaging "NENENG" ng PAGASA. Tutumbukin nito ang #ExtremeNorthernLuzon sa weekend.
Isang Low Pressure Area din ang binabantayan sa labas ng PAR o sa silangan ng #MarianaIslands, posible itong maging bagyo sa mga susunod na araw. Hindi naman ito inaasahang papasok sa PAR.
Samantala, isang panibagong LPA din ang nabuo sa loob ng PAR o sa West Philippine Sea, mataas din ang tsansang maging bagyo ito ngunit inaasahang kikilos patungong #Vietnam sa mga susunod na araw.
