𝐈𝐋𝐀𝐍𝐆 𝐒𝐄𝐍𝐀𝐃𝐎𝐑, 𝐇𝐈𝐍𝐃𝐈 𝐏𝐀𝐁𝐎𝐑 𝐒𝐀 𝐏𝐀𝐍𝐔𝐊𝐀𝐋𝐀𝐍𝐆 𝐈𝐁𝐔𝐊𝐎𝐃 𝐀𝐍𝐆 𝐌𝐈𝐍𝐃𝐀𝐍𝐀𝐎 𝐌𝐔𝐋𝐀 𝐒𝐀 𝐏𝐈𝐋𝐈𝐏𝐈𝐍𝐀𝐒
Hindi pabor ang dalawang senador sa nais ni Pangulong Rodrigo Duterte na isulong ang paghiwalay ng Mindanao mula sa Pilipinas.
Sa isang pahayag, sinabi ni Senator Aquiino “Koko” Pimentel na tutol siya sa ‘secession’ sa teritoryo ng Pilipinas.
Kailangan din aniya ng maingat na pag-aaral tungkol sa isyu.
“I am against any suggestion of secession or separation of part of Philippine territory,” ang wika ni Pimentel.
“We have to work tirelessly on making this nation function as a working effective state,” dagdag pa niya.
Para naman kay Senator Francis Escudero, ang hakbang ay “not constitutionally possible” o hindi naaayon sa Saligang-batas.
Una nang inihayag ni dating Pangulong Duterte ang planong pangangalap ng lagda para sa panukalang paghiwalay ng Mindanao region mula sa Pilipinas.
“There's a process, I think, before the UN [United Nations] wherein you would gather signatures from all sorts of Mindanao verified, under oath, in the presence of so many people [to] decide that we want it separate,” ang wika ni Duterte.
Giit ng dating lider, hindi ito dapat ituring na rebelyon o sedisyon dahil nais lang nilang maging independent ang Mindanao at mapalago ang rehiyon.
“Kaya kung ganu'n lang naman kayo diyan sa Luzon, sa Visayas, bahala kayo,” ang wika ni Duterte.
“Mindanao is rich. But of course, kung mag-separate independent 'to at magpuntahan lahat dito ang Pilipino, then, it's gonna be a big problem,” dagdag pa niya. – RRD
