ENCOUNTER | Nakaengkwentro ng mga tropa ng militar ang nasa 15 katao habang nagsasagawa ng combat operation laban sa mga rebeldeng grupo sa bahagi ng Barangay Lapurisima,Bula, Camarines Sur pasado alas 6 ng umaga ngayong Lunes.
Sunod-sunod na alingawngaw ng putok at pagsabog ang narinig ng mga residente sa lugar.
Isa ang napaulat na nasugatan sa mga militar na tinamaan ng bala sa kanang binti.
Nagpapatuloy ang hot pursuit operation ng mga militar habang naglatag naman ng checkpoint ang PNP SA nasabing bayan.
Narekober sa engkwentro ang naiwang 30 metrong haba ng electric wire, improvised explosive device (IED) at isa't kalahating sako ng bigas.
