Ayon sa ulat ng BFP, nagsimula ang sunog bandang alas-2:00 ng madaling araw habang mahimbing na natutulog ang mga biktima, dahilan upang ma-trap ang mga ito sa loob.
Kabilang sa mga nasawi ang dalawang bata na kapwa 11-anyos, dalawang babae na may edad 72 at 59, at dalawang lalaki na edad 45 at 42.
Mabilis na kumalat ang apoy na tumupok sa dalawang bahay bago ito tuluyang naapula ng mga bumbero bandang alas-4:49 ng umaga.
Kasalukuyan nang nagsasagawa ng malalimang imbestigasyon ang mga awtoridad upang matukoy ang eksaktong sanhi ng insidente.
Source: Bureau of Fire Protection - Urdaneta City/Biong D Jerymmie
