Naka-half mast ngayon ang bandila sa Pamahalaang Bayan ng Lupi bilang pagdadalamhati sa limang nasawi sa naganap na aksidente sa Ragay noong gabi ng Abril 8.
Kabilang sa mga nasawi ang apat na empleyado ng lokal na pamahalaan na ikinalungkot ng buong komunidad. Ayon sa LGU Lupi, ang hakbang na pagpapababa ng bandila ay simbolo ng paggalang at pakikiramay sa mga pumanaw at sa kanilang naiwang pamilya.
Sa opisyal na pahayag ni Mayor Topi Jacinto ng Bayan ng Lupi, tiniyak na patuloy na magbibigay ng tulong sa mga pamilya ng mga nasawi at sa mga sugatang nagpapagaling pa sa ospital.
Nanawagan din ang LGU Lupi sa publiko ng panalangin para sa kapayapaan ng mga yumao at agarang paggaling ng mga nasugatan.
Photos; Pewee Bacuño & Mayor Topi Jacinto
